Sigur hjá U17 karla gegn Færeyingum
Strákarnir í U17 luku leik sínum á Norðurlandamótinu um helgina þegar þeir léku gegn Færeyjum en mótið fór fram í Danmörku. Leikurinn var um sjöunda sætið í mótinu og sigruðu Íslendingar með þremur mörkum gegn engu.
Öll mörk Íslands komu í fyrri hálfleik. Ragnar Leósson kom Íslandi yfir strax á 3. mínútu og tólf mínútum síðar bætti Ottó Reynisson öðru marki við. Á síðustu mínútu fyrri hálfleiks skoraði svo Þórir Guðjónsson þriðja mark Íslands og reyndist það síðasta mark leiksins þrátt fyrir ágætar tilraunir.
Ísland hafnaði því í sjöunda sæti mótsins en það voru Svíar er urðu Norðurlandameistarar eftir sigur á Belgum í úrslitaleik.
Mynd: Byrjunarliðið í leiknum gegn Færeyjum
.jpg?proc=760)
