Jafntefli gegn Finnum hjá U17 karla
Íslenska U17 karlalandsliðið gerði í dag jafntefli við Finna í lokaleik sínum í riðlakeppni Norðurlandamótsins sem fram fer í Danmörku. Lokatölur urðu 3-3 eftir að Íslendingar höfðu leitt í hálfleik, 2-0.
Íslensku strákarnir höfðu yfirhöndina í leiknum lengst af og komust í 2-0 og svo 3-1 en Finnar reyndust sterkir á lokakaflanum og náðu að jafna metin. Mörk Íslendinga skoruðu þeir Arnar Sveinn Geirsson 2 og Ragnar Leósson.
Það kemur því í hlut íslenska liðsins að leika um 7. sætið á mótinu og verður leikið við Færeyinga á laugardaginn.
.jpg?proc=760)
