Tap hjá U17 karla gegn Englendingum
Norðurlandamót U17 karla hófst í dag en mótið fer fram í Danmörku. Íslendingar biðu lægri hlut gegn Englendingum í fyrsta leik sínum. Englendingar skoruðu tvö mörk án þess að Íslendingum tækist að svara.
Jafnræði var með liðunum í leiknum og var staðan markalaust þegar gengið var til búningsherbergja í hálfleik. Sama jafnræðið var í seinni hálfleik en upp úr miðjum hálfleiknum tókst Englendingum að skora tvö mörk með stuttu millibili og þar við sat.
Ísland leikur annan leik sinn í mótinu á morgun en þá mæta strákarnir Svíþjóð. Leikurinn hefst kl. 13:00 að íslenskum tíma.
.jpg?proc=760)
