Byrjunarlið Íslands gegn Serbíu
Sigurður Ragnar Eyjólfsson, landsliðsþjálfari, hefur tilkynnt byrjunarliðið er mætir Serbum. Leikurinn er liður í undankeppni EM og hefur íslenska liðið unnið báða leiki sína til þessa í riðlinum. Serbneska liðið hefur unnið eina leik sinn í riðlinum til þessa.
Byrjunarliðið: (4-4-1-1)
Markvörður: Þóra B. Helgadóttir
Hægri bakvörður: Sif Atladóttir
Vinstri bakvörður: Guðný Óðinsdóttir
Miðverðir: Katrín Jónsdóttir og Guðrún Sóley Gunnarsdóttir
Hægri kantur: Dóra María Lárusdóttir
Vinstri kantur: Greta Mjöll Samúelsdóttir
Tengiliðir: Edda Garðarsdóttir og Dóra Stefánsdóttir
Sóknartengiliður: Margrét Lára Viðarsdóttir
Framherji: Ásthildur Helgadóttir, fyrirliði
Miðasala á leikinn er hafin á netinu og er hægt að kaupa miða hér. Miðinn kostar 1000 krónur en frítt er fyrir 16 ára og yngri. Frjálst sætaval er í vesturstúkunni. Einnig er hægt að kaupa miða á Laugardalsvelli á fimmtudagskvöldið er leikurinn fer fram.
Leiktíminn er nokkuð óvenjulegur að því leyti að leikurinn hefst ekki fyrr en kl. 21:15. Er þessi leiktími kominn til vegna þess að fyrr um kvöldið fer fram setningarathöfn Alþjóðaleika ungmenna á Laugardalsvelli.
Aldrei verður of oft sagt hversu stuðningur áhorfenda getur skipt miklu máli. Fjölmennum öll og látum stelpurnar finna að við stöndum öll að baki þeirra.
.jpg?proc=760)
