Edda og Dóra gætu náð áfangaleikjum
Tveir leikmenn íslenska kvennalandsliðsins ná stórum áföngum í landsleikjafjölda ef þær koma við sögu í leiknum gegn Frökkum í undankeppni EM 2009 á Laugardalsvelli næsta laugardag.
Edda Garðarsdóttir, leikmaður KR, hefur leikið 49 A-landsleiki og leikur því sinn 50. leik ef hún tekur þátt á laugardag. Dóra Stefánsdóttir, sem leikur með Malmö í Svíþjóð, leikur sinn 25. A-landsleik ef hún kemur við sögu á laugardag.
Í reglugerð um landsliðs- og heiðursviðurkenningar kemur fram að áletrað úr skuli veita í viðurkenningaskyni þeim knattspyrnumönnum sem náð hafa að leika 25 A-landsleiki, og knattspyrnustyttu skal veita í viðurkenningaskyni þeim knattspyrnumönnum sem náð hafa að leika 50 A-landsleiki.
.jpg?proc=760)
.jpg?proc=760)
