Gambíumenn þakklátir Íslendingum
Eins og kunnugt fram hefur komið er KSÍ einn af þeim aðilum er stendur á bakvið átakið "Útspark til Gambíu". Markmiðið þar er að safna fótboltabúnaði til þess að senda til Gambíu.
Ársþing FIFA, það 57. í röðinni, var haldið á dögunum og þar hittu Geir Þorsteinsson formaður KSÍ, Guðrún Inga Sívertsen og Jón Gunnlaugsson sendinefnd frá knattspyrnusambandi Gambíu. Lýstu þeir yfir mikilli ánægju með það framtak sem er í gangi á Íslandi og fullvissuðu fulltrúa KSÍ að þessi búnaður kæmi að mjög góðum notum.
Minnt er á að móttaka fyrir fótboltabúnað verður í tengslum við landsleik Íslands og Liechtenstein er verður á morgun kl. 16:00 á Laugardalsvelli.
.jpg?proc=760)
