Tap í fyrsta leik hjá U19 gegn Spáni
Íslenska U19 landslið karla hóf leik í milliriðli fyrir EM í gær og öttu kappi gegn Evrópumeisturum Spánverja. Spánverjar báru sigur úr býtum með þremur mörkum gegn tveimur eftir að íslenska liðið leiddi í hálfleik, 0-1.
Skúli Jón Friðgeirsson kom íslenska liðinu yfir með marki á 23. mínútu var staðan þannig í hálfleik. Spánverjar jöfnuðu metin á 49. mínútu og bættu svo við mörkum á 73. og 79. mínútu. Kom seinna mark Spánverja úr vítaspyrnu en Íslendingar fengu einnig vítaspyrnu í uppbótartíma sem að Bjarni Þór Viðarsson nýtti til fullnustu.
Tveir Íslendingar fengu rautt spjald undir lok leiksins. Rúrik Gíslason fór útaf á 88. mínútu þegar hann fékk sitt annað gula spjald og Halldór Kristinn Halldórsson fékk rautt spjald í uppbótartíma.
Næsti leikur íslenska liðsins er gegn Norðmönnum á morgun, föstudaginn 1. júní og hefst kl. 17:00 að íslenskum tíma.
Mynd: Bjarni Þór Viðarsson skoraði seinna mark íslenska liðsins úr vítaspyrnu.
.jpg?proc=760)
.jpg?proc=760)
