Byrjunarlið Íslands gegn Englandi í kvöld
Sigurður Ragnar Eyjólfsson, landsliðsþjálfari, hefur tilkynnt byrjunarlið sitt er mætir Englendingum í kvöld. Leikurinn fer fram á Roots Hall, heimavelli Southend United og hefst kl. 18:45.
Byrjunarliðið: (4-4-2)
Markvörður: Þóra B. Helgadóttir
Varnarmenn: Sif Atladóttir, Katrín Jónsdóttir fyrirliði, Guðrún Sóley Gunnarsdóttir og Ásta Árnadóttir.
Miðjumenn: Rakel Logadóttir, Edda Garðarsdóttir, Erla Steina Arnardóttir og Greta Mjöll Samúelsdóttir
Sóknarmenn: Dóra María Lárusdóttir og Margrét Lára Viðarsdóttir
Englendingar undirbúa sig nú af kostgæfni fyrir HM í Kína sem fram fer í september. Á sunnudaginn léku Englendingar við Norður Íra í undankeppni fyrir EM 2009 og sigruðu örugglega með fjórum mörkum gegn engu. Í liðinu eru níu leikmenn frá nýkrýndum Evrópumeisturum Arsenal.
Þessi leikur er liður í undirbúningi íslenska liðsins fyrir undankeppni EM 2009 en fyrsti leikur liðsins er ytra gegn Grikklandi, 31. maí næstkomandi.
.jpg?proc=760)
