U17 karla leikur við Belga í dag
Íslenska U17 karlalandslið Íslands leikur í dag lokaleik sinn í riðlakeppni úrslitakeppni EM. Leikið er við gestgjafa Belga en með sigri í leiknum komast Íslendingar í umspilsleik um sæti á HM sem fram fer í Suður Kóreu síðar á þessu ári.
Íslendingar eiga ekki lengur möguleika á því að komast í undanúrslit keppninnar en Belgar eiga ennþá möguleika á sæti þar. Með sigri í leiknum gegn Belgum er þriðja sæti riðilsins tryggt og mundi Ísland þá mæta þeirri þjóð er lendir í þriðja sæti A-riðils í úrslitaleik um fimmta sætið.
Leikurinn hefst kl. 15:30 að íslenskum tíma og má fylgjast með beinni textalýsingu á www.uefa.com.
.jpg?proc=760)
.jpg?proc=760)
