Komast strákarnir í úrslitakeppnina?
Á morgun, laugardaginn 24. mars leika strákarnir í U17 karla lokaleik sinn í milliriðli fyrir EM 2007. Leikið verður við Rússa kl. 15:00 og með sigri eru möguleikar Íslands um sæti úrslitakeppninni fyrir hendi.
Rússar, núverandi Evrópumeistarar í þessum aldursflokki, eru efstir í riðlinum fyrir lokaumferðina með fjögur stig en Ísland og Portúgal eru með tvö stig. Norður Írar eru með eitt stig. Ísland og Portúgal geta, með sigrum í leikjum sínum, komist í fimm stig og mun þá markatala ráða úrslitum.
Það verður því spennandi að fylgjast með þessum leikjum á morgun og vonandi að strákarnir nái að fylgja eftir frábærum árangri liðsins til þessa.
.jpg?proc=760)
.jpg?proc=760)
