Ármann Smári valinn í hópinn
Eyjólfur Sverrisson, landsliðsþjálfari, hefur þurft að gera breytingu á landsliðshóp sínum fyrir leikinn gegn Spánverjum 28. mars næstkomandi. Ármann Smári Björnsson, Brann, hefur verið valinn í hópinn í stað Gunnars Heiðars Þorvaldssonar.
Gunnar Heiðar hefur átt við nárameiðsli að stríða og tóku þau sig upp eftir síðasta leik hans hjá Hannover.
Ármann Smári hefur leikið einn landsleik og var það einmitt gegn Spánverjum á Laugardalsvellinum í ágúst síðastliðnum.
Þetta er þriðja breytingin sem Eyjólfur Sverrisson hefur þurft að gera á upphaflegum landsliðshóp en áður höfðu þeir Hólmar Örn Rúnarsson og Indriði Sigurðsson bæst í hópinn.
.jpg?proc=760)
.jpg?proc=760)