Hópurinn tilkynntur fyrir leikinn gegn Spáni
Eyjólfur Sverrisson, landsliðsþjálfari, tilkynnti í dag 18 manna landsliðshóp sem leikur gegn Spáni miðvikudaginn 28. mars nk. Tveir nýliðar eru í hópnum að þessu sinni, þeir Gunnar Þór Gunnarsson Hammarby og Atli Jóhannsson KR.
Þetta er í tíunda skiptið sem þjóðirnar mætast og hefur Ísland farið einu sinni með sigur af hólmi. Tvisvar sinnum hefur orðið jafntefli en Spánverjar hafa sigrað sex sinnum. Í þessum níu leikjum hafa Íslendingar skorað níu mörk en Spánverjar fjórtán. Þjóðirnar áttust síðast við í vináttulandsleik á Laugardalsvelli í ágúst á síðasta ári. Lauk þeim leik með markalausu jafntefli.
