Kosningar í stjórn á 61. ársþingi KSÍ
Framboð til stjórnar KSÍ skal skv. 12. grein laga KSÍ berast skrifstofu KSÍ minnst hálfum mánuði fyrir þing. Kjörnefnd er þó heimilt að samþykkja framboð sem fram kemur síðar.
Þrír frambjóðendur eru um stöðu formanns KSÍ og sjö framboð um fjögur sæti í aðalstjórn.
Stjórn KSÍ er kosin á knattspyrnuþingi og skal kosning fara þannig fram:
- Kosning formanns annað hvert ár til tveggja ára í senn.
- Kosning 4ra manna í aðalstjórn til tveggja ára en fjórir menn ganga úr aðalstjórn á hverju ári.
- Kosning 4ra manna frá landsfjórðungunum í stjórn til eins árs.
- Kosning 3ja manna til vara í aðalstjórn til eins árs.
- Kosning 4ra manna frá landsfjórðungunum til vara til eins árs.
Hér fyrir neðan er gerð grein fyrir þeim framboðum sem tilkynnt voru til skrifstofu KSÍ hálfum mánuði fyrir þing og eru þau birt í stafrófsröð. Ferilskrá frambjóðenda verður birt síðar.
Minnt er á að allar fréttir sem tengjast ársþingi KSÍ má sjá undir Um KSÍ / Ársþing í valmyndinni hér á síðunni.
Kosning formanns
Eggert Magnússon var kjörinn formaður KSÍ til tveggja ára á 60. ársþingi KSÍ í febrúar 2006. Eggert Magnússon hefur hins vegar lýst því yfir að hann segi af sér sem formaður KSÍ á 61. ársþingi KSÍ sem fram fer 10. febrúar nk. Stjórn KSÍ hefur því ákveðið að kjör formanns fari fram á ársþinginu 10. febrúar nk. skv. 12. grein laga KSÍ.
Eftirtaldir hafa boðið sig fram til embættis formanns:
- Geir Þorsteinsson - Reykjavík
- Halla Gunnarsdóttir - Reykjavík
- Jafet Ólafsson - Reykjavík
Kosning í aðalstjórn
Tveggja ára kjörtímabili eftirtaldra í aðalstjórn KSÍ lýkur á 61. ársþingi KSÍ 10. febrúar nk.:
Í aðalstjórn
- Halldór B. Jónsson, varaformaður - Reykjavík
- Eggert Steingrímsson, gjaldkeri - Reykjavík
- Ágúst Ingi Jónsson - Reykjavík
- Björn Friðþjófsson - Dalvík
Eftirtaldir hafa boðið sig fram til aðalstjórnar :
- Björn Friðþjófsson - Dalvík
- Eggert Steingrímsson - Reykjavík
- Guðjón Ólafur Jónsson - Reykjavík
- Guðrún Inga Sívertsen - Reykjavík
- Halldór B. Jónsson - Reykjavík
- Stefán Geir Þórisson - Reykjavík
- Vignir Már Þormóðsson - Akureyri
Auk ofangreindra sitja í aðalstjórn (Tveggja ára kjörtímabili þeirra lýkur í febrúar 2008):
- Jón Gunnlaugsson, ritari - Akranesi
- Ástráður Gunnarsson - Reykjanesbæ
- Ingibjörg Hinriksdóttir - Kópavogi
- Lúðvík S. Georgsson - Reykjavík
Kosning aðalfulltrúa landsfjórðunga
Eins árs kjörtímabili aðalfulltrúa landsfjórðunganna lýkur á 61. ársþingi KSÍ 10. febrúar nk.:
Aðalfulltrúar landsfjórðunga
- Jakob Skúlason - Vesturland
- Ómar Bragi Stefánsson - Norðurland
- Guðmundur Ingvason - Austurland
- Einar Friðþjófsson - Suðurland
Allir ofangreindir aðalfulltrúar landsfjórðunganna gefa kost á sér til endurkjörs.
Kosning varamanna í aðalstjórn
Eins árs kjörtímabili varamanna í aðalstjórn lýkur á 61. ársþingi KSÍ 10. febrúar nk.:
Varamenn í aðalstjórn
Jóhannes Ólafsson - Vestmannaeyjum
Kjartan Daníelsson - Reykjavík
Þórarinn Gunnarsson - Reykjavík
Eftirtaldir gefa kost á sér sem varamenn í aðalstjórn:
- Björn Guðbjörnsson - Reykjavík
- Jóhannes Ólafsson - Vestmannaeyjum
- Kjartan Daníelsson - Reykjavík
- Þórarinn Gunnarsson - Reykjavík
