Leyfisumsókn komin frá Ólafsvíkingum
Umsókn Víkings Ólafsvík um þátttökuleyfi í 1. deild karla 2007, ásamt fylgigögnum, hefur nú borist KSÍ og af þeim 12 félögum sem leika í deildinni á þá einungis leyfisumsókn ÍBV eftir að berast.
Skiladagur gagna fyrir félög í 1. deild var miðvikudagurinn 17. janúar. Hafi félag sannanlega sett gögnin í póst eigi síðar en þann dag, eins og reyndin er með Víkinga, er tekið tillit til þess við yfirferð gagna, þannig að ekki komi til dagsekta skv. leyfishandbók KSÍ.
Í 2. kafla leyfishandbókarinnar er skýrt kveðið á um að beita skuli viðurlögum ef tímamörk eru ekki uppfyllt.
------------
2.2.3.2 Tímamörk ekki uppfyllt
Ef leyfisumsækjandi uppfyllir ekki sett tímamörk um framlagningu leyfisgagna skal hann sæta viðurlögum. Við ákvörðun þeirra skal taka mið af alvarleika brotsins. Eftirfarandi viðurlögum er hægt að beita:
1) Viðvörun og sekt; við fyrsta brot skal beita dagsektum að upphæð kr 1.500 fyrir hvern dag sem líður þangað til viðeigandi gögnum hefur verið skilað, að hámarki kr 30.000.
2) Áminning og sekt; við ítrekað brot skal skal beita dagsektum að upphæð kr 3.000 fyrir hvern dag sem líður þangað til viðeigandi gögnum hefur verið skilað, að hámarki kr 60.000.
3) Stigatap; við alvarlegt og ítrekað brot er jafnframt heimilt að draga allt að 3 stig frá félaginu í deildarkeppninni.
Ítrekunarkvöð fellur niður ef tímamörk hafa verið uppfyllt í 3 ár samfleytt.
.jpg?proc=760)
