Leyfisumsókn Eyjamanna komin
Leyfisumsókn ÍBV ásamt fylgigögnum hefur nú borist KSÍ og hafa því leyfisumsóknir allra félaganna tólf í 1. deild karla skilað sér. Tíu leyfisumsóknir höfðu borist á miðvikudag og tvær síðustu bárust í dag, frá Víkingi Ólafsvík og ÍBV.
Skiladagur gagna fyrir félög í 1. deild var miðvikudagurinn 17. janúar. Hafi félag sannanlega sett gögnin í póst eigi síðar en þann dag, eins og reyndin er með Víkinga og Eyjamenn, er tekið tillit til þess við yfirferð gagna, þannig að ekki komi til dagsekta skv. leyfishandbók KSÍ.
.jpg?proc=760)
