Riðlarnir klárir hjá U17 og U19 karla
Í dag var dregið í milliriðla í Evrópukeppni U17 og U19 karla. Ísland komst áfram í báðum þessum aldursflokkum og voru því í pottinum í dag. Einnig var dregið í riðla hjá U19 kvenna en úrslitakeppni EM fer fram hér á landi í júlí 2007.
Hjá U17 karla var Ísland í fjórða styrkleikaflokki og lentu í riðli með Portúgal, Norður Írlandi og núverandi Evrópumeisturum í þessum aldursflokki, Rússlandi. Riðllinn verður leikinn í Portúgal, dagana 19. - 24. mars.
Hjá U19 karla var Ísland í þriðja styrkleikaflokki og lentu í riðli með Spáni sem eru núverandi meistarar, Noregi og Azerbaijan. Riðillinn verður leikinn í Noregi, dagana 30. maí - 4. júní.
Eins og kunnugt er fer úrslitakeppni U19 kvenna fram hér á landi í júlí á næsta ári. Dregið var í milliriðla í þeirri keppni en Ísland fær sæti í úrslitakeppninni sem gestgjafar.
.jpg?proc=760)
.jpg?proc=760)