Dregið í riðla hjá U17 og U19 karla
Þriðjudaginn 5. desember verður dregið í riðla í Evrópukeppni landsliða karla U17 og U19. Í pottana fara 28 þjóðir sem hafa unnið sér þátttökurétt í þessum milliriðlum og er Ísland þar með lið í báðum aldursflokkum.
Hjá U19 varð Ísland í þriðja sæti í riðli sínum en tvö lið komust áfram úr hverjum riðli. Íslendingar voru hinsvegar með bestan árangur allra liða er lentu í þriðja sæti í riðlunum, sem voru 12 talsins. Íslendingar eru í þriðja styrkleikaflokki en flokkarnir eru fjórir. Dregið verður í sjö riðla og er hver riðill skipaður fjórum liðum. Sigurvegari riðilsins kemst í úrslitakeppnina sem haldin er í Austurríki. Heimamenn eru svo áttunda þjóðin í úrslitakeppninni.
Sama fyrirkomulag er í U17 keppninni en úrslitakeppnin þar fer fram í Belgíu. Þar komst Ísland áfram eftir að hafa lent í öðru sæti riðilsins á eftir Frökkum. Ísland er í fjórða styrkleikaflokki hjá U17.
.jpg?proc=760)
.jpg?proc=760)
