Stelpurnar töpuðu fyrir Englandi á Akranesi
U19 landslið kvenna beið lægri hlut gegn stöllum sínum frá Englandi og urðu lokatölur 0-4 eftir að staðan í hálfleik var 0-3. Þjóðirnar mætast að nýju á fimmtudaginn í Egilshöllinni kl. 20:00.
Byrjun Englendinga í leiknum var kraftmikil og eftir 16. mínútur höfðu þær náð að skora tvö mörk. Þessi byrjun sló íslenska liðið út af laginu og gestirnir bættu við einum marki fyrir leikhlé.
Leikur íslenska liðsins var mun betri í seinni hálfleik og áttu þær í fullu tré við þær ensku. Englendingar bættu þó við einu marki fyrir leikslok og fjögurra marka sigur staðreynd.
Þjóðirnar mætast aftur á fimmtudaginn í Egilshöll og hefst sá leikur kl. 20:00.
Mynd: Byrjunarlið Íslands gegn Englandi, 21. nóvember i Akraneshöll.
