Gæðamat framkvæmt á leyfiskerfi KSÍ
Um miðjan september fór fram víðtækt gæðamat á skipulagi leyfiskerfis KSÍ og því starfi sem unnið er við rekstur þess. Matið er framkvæmt árlega af SGS, sem er alþjóðlegt vottunarfyrirtæki og sér um gæðamat á leyfiskerfum fyrir UEFA í aðildarlöndum sambandsins.
Skoðunin tókst vel í alla staði og var gæðavottun frá SGS staðfest í byrjun þessarar viku. Gríðarleg vinna hefur verið lögð í leyfiskerfið hér á landi, bæði hjá KSÍ og félögum í Landsbankadeild karla, og hefur Ísland verið í fararbroddi á meðal aðildarþjóða UEFA í innleiðingu kerfisins frá byrjun.
Í skoðuninni tóku þátt Harri Kaartinen frá SGS og Ómar Smárason, leyfisstjóri KSÍ.
.jpg?proc=760)
