Íslendingar lágu gegn Lettum
Íslenska karlalandsliðið beið lægri hlut gegn Lettum í undankeppni fyrir EM 2008. Heimamenn fögnuðu góðum sigri í Riga en lokatölur urðu 4-0, Lettum í vil. Íslenska liðið tekur á móti, efsta liði riðilsins, Svíum á miðvikudag.
Það voru Íslendingar sem að fengu fyrsta dauðafærið í leiknum og kom það strax á annarri mínútu leiksins. Liðið var ákveðið í byrjun og virtist til alls líklegt. Lettar voru hinsvegar á öðru máli og tvö mörk á tveggja mínútna kafla voru reiðarslag fyrir Íslendinga. Ekki vænkaðist hagur okkar manna þegar að Lettar bættu við þriðja markinu á 25. mínútu. Þannig var staðan er leikmenn gengu til búningsherbergja í leikhléi.
Byrjun Íslendinga lofaði góðu sem fyrr en fyrirheitin komu fyrir lítið. Heimamenn bættu við fjórða markinu á 52. mínútu og úrslit leiksins ráðinn. Íslenska liðið fékk þó ágætis tækifæri sem eftir lifði leiks, eins og í leiknum öllum, en allt kom fyrir ekki. Lokatölur 4-0 fyrir heimamenn og fögnuðu þeir vel verðskulduðum sigri.
Leikmenn geta þó ekki dvalið lengi við þessi úrslit því Svíar koma í heimsókn í Laugardalinn á miðvikudag. Svíar, sem eru eitt allra sterkasta landslið í Evrópu, unnu góða sigur á Spánverjum í gær með tveimur mörkum gegn engu. Það verður því krefjandi verkefni sem bíður íslensku strákanna á miðvikudag kl. 18:05.
Enn eru til miðar og er hægt að nálgast þá hér á síðunni, á www.midi.is, í verslunum Skífunnar á höfuðborgarsvæðnu og verslunum BT-tölva á landsbyggðinni.
.jpg?proc=760)
.jpg?proc=760)
