Tap gegn sterkum Frökkum
Íslenska U17 karlalandsliðið beið lægri hlut gegn Frökkum í dag með þremur mörkum gegn einu. Kristinn Steindórsson skoraði mark Íslands á 71. mínútu en þá höfðu Frakkar skorað þrjú mörk. Strákarnir leika við Litháa á laugardaginn.
Frakkar fengu óskabyrjun og skoruðu eftir aðeins 30 sekúndur. Þeir bættu svo öðru marki við á 20. mínútu og leiddu með tveimur mörkum í hálfleik. Frakkar bættu svo þriðja markinu við á 70. mínútu en Kristinn minnkaði muninn strax mínútu síðar. Þar við sat og er Ísland því með eitt stig eftir tvö leiki.
Ísland leikur við Litháen á laugardaginn og hefst leikurinn kl. 14:00 að íslenskum tíma. Litháar töpuðu fyrir Rúmenum í dag, 0-3, en riðillinn er einmitt leikinn í Rúmeníu.
.jpg?proc=760)
.jpg?proc=760)
