Danskur sigur í dalnum
Íslenska landsliðið beið lægri hlut fyrir Dönum í kvöld í undankeppni fyrir EM 2008. Lauk leiknum þannig að Danir skoruðu tvo mörk gegn engu marki Íslendinga. Bæði mörk Dana komu í fyrri hálfleik.
Danir fengu óskabyrjun því eftir aðeins fjórar mínútur lá boltinn í marki Íslendinga. Var það Dennis Rommedahl er komst inn fyrir vörn heimamanna og skoraði. Markið sló Íslendinga útaf laginu en þeir náðu að vinna sig inn í leikinn smám saman. Uppskáru þeir dauðafæri um miðjan hálfleikinn sem ekki nýttist og reyndist það dýrt því Danir bættu við öðru marki skömmu síðar.
Þannig var staðan í hálfleik og í seinni hálfleik náðu Danir að halda fengnum hlut. Baráttan í seinni hálfleik var mikil en ekki var mikið af færum sem liðin sköpuðu sér. Leikurinn fjaraði svo út og Danir fögnuðu sigri.
Byrjunin á leiknum reyndist Íslendingum erfið og náðu þeir ekki að finna taktinn í leik sínum. Það er vonandi að hann finnist í næsta leik en þá verða Lettar heimsóttir. Er sá leikur leikinn í Riga 7. október og fjórum dögum síðar, 11. október, koma Svíar í heimsókn í dalinn.
.jpg?proc=760)