Ísland - Ítalía á föstudag - Frítt á völlinn
Á föstudag mætast U21 landslið Íslands og Ítalíu í riðlakeppni EM. Leikurinn fer fram á Laugardalsvelli og hefst kl. 19:00. Takist okkar piltum að vinna sigur á Ítölum eiga þeir góða möguleika á að komast áfram í umspil um sæti í lokakeppninni.
Þriðja liðið í riðlinum er Austurríki, en eins og greint var frá hér á síðunni gerðu Ísland og Austurríki markalaust jafntefli ytra. Ítalir og Austurríkismenn eiga eftir að mætast á Ítalíu. Leikin er einföld umferð og séu lið jöfn að stigum ráða innbyrðis viðureignir þeirra úrslitum um röð í riðlinum.
KSÍ hefur ákveðið að koma til móts við knattspyrnuáhugafólk með því að bjóða ókeypis aðgang að leiknum. Fólk er því hvatt til að fjölmenna í Laugardalinn á föstudag og hvetja okkar lið til sigurs gegn Ítölum.
.jpg?proc=760)
.jpg?proc=760)
