Tap gegn Svíum
Íslenska kvennalandsliðið tapaði fyrir því sænska á Laugardalsvelli í dag. Lokatölur urðu 0-4 eftir að staðan var 0-1 í hálfleik. Íslenska liðið barðist vel í leiknum en sænska liðið reyndist of sterkt.
Sænska liðð komst yfir með marki úr vítaspyrnu á 12. mínútu. Íslenska liðið hafði í fullu tré við það sænska í fyrri hálfleik og gaf vörnin Svíunum fá færi á sér. Staðan í hálfleik var því 0-1.
Í seinni hálfleik sótti sænska liðið meira án þess að skapa sér mörg færi. Á 62. mínútu skoruðu Svíarnir gott mark og í lokin, á 80. og 86. mínútu, bættu sænsku stelpurnar við tveimur mörkum. Lokastaðan því 0-4 en eru þær tölur fullstórar því íslenska liðið var að spila ágætlega stóran hluta leiksins. Sænska liðið sýndi aftur á móti fram á styrk sinn og nýttu sín færi gríðarlega vel.
Katrín Ómarsdóttir lék sinn fyrsta landsleik i þessum leik og stóð sig með prýði eins og aðrir leikmenn liðsins.
Næsti leikur íslenska liðsins og sá síðasti í riðlinum er 28. september þegar leikið er ytra við Portúgal.
.jpg?proc=760)
.jpg?proc=760)
