Nicole Petignat dæmir leik Íslands og Svíþjóðar
Dómari leiks Íslands og Svíþjóðar á laugardaginn er einn þekktasti dómari Evrópu, Nicole Petignat frá Sviss. Hún dæmdi m.a. úrslitaleik Heimsmeistarakeppni kvenna árið 1999 þegar að Kína og Bandaríkin mættust í Los Angeles. Þá skráði hún nafn sitt á spjöld sögunnar árið 2003 er hún dæmdi, fyrst kvendómara, leik í Evrópukeppni félagsliða karla. Áttust þar við AIK og Fylkir og var leikið í Svíþjóð. Lauk leiknum með 1-0 sigri Svíanna.
Nicole til aðstoðar á landsleiknum verða Elke Luthi og Eveline Bolli og eru þær báðar frá Sviss. Fjórði dómari er Eyjólfur Ágúst Finnsson og eftirlitsmaður UEFA er Styrbjörn Oskarsson frá Finnlandi.
.jpg?proc=760)
.jpg?proc=760)
