Markalaust jafntefli í Austurríki
U21 karlalandslið Íslands og Austurríkis gerðu markalaust jafntefli í undankeppni EM í dag, miðvikudag, en leikurinn fór fram í Austurríki. Nokkuð jafnræði var með liðunum í leiknum og segja má að jafntefli hafi verið sanngjörn úrslit.
Rúrik Gíslason fékk reyndar dauðafæri í blálokin eftir vel útfærða aukaspyrnu, en brenndi af. Íslenska liðið lék vel í leiknum, varðist af krafti, sótti þegar færi gafst og átti í fullu tré við austurríska liðið allan leikinn.
Ljóst er að mikið býr í þessu íslenska liði og verður spennandi að sjá hvernig því vegnar í næsta leik, gegn geysisterku liði Ítala á Laugardalsvellinum 1. september. Leikin er einföld umferð og fær hvert lið einn heimaleik og einn útileik. Lokaleikur riðilsins er viðureign Ítala og Austurríkis 6. september.
.jpg?proc=760)
.jpg?proc=760)
