Tap gegn Dönum hjá U17 karla
Íslenska U17 karlalandsliðið tapaði gegn Dönum í dag í öðrum leik sínum á Norðurlandamótinu í Færeyjum. Lokatölur urðu 1-3 eftir að staðan í hálfleik hafði verið 1-1. Viðar Örn Kjartansson skoraði mark Íslendinga.
Danir komust yfir eftir hornspyrnu á 15. mínútu en Viðar Örn jafnaði leikinn með laglegu marki á 22. mínútu. Þannig stóðu leikar þegar að gengið var til búningsherbergja í hálfleik.
Danska liðið náði svo að bæta við tveimur mörkum í seinni hálfleik, það fyrra á 60. mínútu og það síðara á 79. mínútu. Þar við sat og Danir fögnuðu sigri.
Íslenska liðið leikur lokaleik sinn í riðlinum á fimmtudaginn þegar att verður kappi við heimamenn í Færeyjum. Á laugardaginn verður svo leikið til úrslita um sæti á mótinu.
Mynd: Byrjunarliðið gegn Danmörku.
.jpg?proc=760)
.jpg?proc=760)
