Finnar lagðir í fyrsta leiknum
Íslenska U17 karlalandsliðið fór vel af stað á Norðurlandamótinu er fram fer í Færeyjum. Sigruðu strákarnir Finna 5-2, eftir að hafa lent tveimur mörkum undir eftir aðeins sjö mínútur.
Það var ekki bjart útlitið fyrir íslensku strákana í byrjun því að eftir sjö mínútur, höfðu Finnarnir náð að skora tvisvar. Kom fyrra mark þeirra á 3. mínútu og það síðara á 7. mínútu.
En þá spýttu íslensku strákarnir í lófana og voru búnir að jafna áður en gengið var til leikhlés. Var Kristinn Steindórsson þar að verki í bæði skiptin. Í seinni hálfleik tók íslenska liðið öll völd og bættu við þremur mörkum. Viðar Örn Kjartansson skoraði tvö mörk og Viktor Unnar Illugason eitt.
Frábær byrjun á mótinu hjá strákunum en þeir verða í eldlínunni aftur á morgun þegar að þeir etja kappi við Dani. Leikurinn hefst kl. 13:30 að íslenskum tíma.
Mynd: Byrjunarliðið gegn Finnum.
.jpg?proc=760)
.jpg?proc=760)
