U21 kvenna í fjórða sæti á Norðurlandamótinu
Íslenska U21 kvennalandsliðið tapaði fyrir Svíum í dag og enduðu því mótið í fjórða sætið. Árangurinn er engu að síður mjög góður og sá besti er U21 lið Íslands hefur náð á þessu móti. Liðið var aðeins einu marki frá úrslitaleiknum.
Sænska liðið var heldur sterkara í fyrri hálfleik og komust yfir á 12. mínútu. Þær fengu svo vítaspyrnu á 18. mínútu en Guðbjörg Gunnarsdóttir, gerði sér lítið fyrir og varði spyrnuna.
Elísabet Gunnarsdóttir, þjálfari liðsins, gerði breytingar í hálfleik og freistaði þess að snúa leiknum sér í hag. Var seinni hálfleikurinn mikið mun betri og var í eigu íslenska liðsins. Það skilaði liðinu hinsvegar engu marki og fjórða sætið því staðreynd.
Íslenski hópurinn er svo væntanlegur heim á morgun, sunnudag.
.jpg?proc=760)
.jpg?proc=760)
