Sætur sigur á Norðmönnum
Íslenska U21 landslið kvenna hóf Norðurlandamótið með miklum glæsibrag þegar þær lögðu heimastúlkur í Noregi. Leiknum lauk með sigri íslenska liðsins, 3-2. Margrét Lára Viðarsdóttir skoraði tvo mörk og Greta Mjöll Samúelsdóttir eitt.
Margrét Lára skoraði fyrsta mark leiksins á 24. mínútu en norska liðið jafnaði 10 mínútum síðar. Greta Mjöll kom svo íslenska liðinu yfir að nýju á 40. mínútu og þannig stóðu leikar í er liðin gengu í leikhléið. Margrét Lára bætti öðru marki sínu við í byrjun seinni hálfleiks en heimastúlkur minnkuðu muninn á 59. mínútu. Ekki tókst þeim að jafna metin og frækilegur sigur Íslendinga á sterku norsku lið var staðreynd.
Ekki er leikið í riðlinum í dag en á morgun fá stelpurnar svo sannarlega verðugt verkefni. Verður þá leikið við bandaríska liðið og hefst leikurinn kl. 14:00 að íslenskum tíma. Bandaríkin sigruðu Dani í hinum leik riðilsins með þremur mörkum gegn engu.
Umfjöllun á vef norska sambandsins
Mynd: Byrjunarlið Íslendinga í sigurleiknum gegn Norðmönnum.
.jpg?proc=760)
.jpg?proc=760)
