Jón Ólafur tekur við landsliði U17 kvenna
Jón Ólafur Daníelsson hefur verið ráðinn til að leysa Ernu Þorleifsdóttur af sem landsliðsþjálfari U17 kvenna. Jón Ólafur mun því stýra liðinu á Norðurlandamóti kvenna sem fram fer í Finnlandi í byrjun júlí en Erna á ekki heimangengt þar sem hún á von á barni.
Jón Ólafur hefur verið yfirþjálfari yngri flokka hjá Grindavík síðan 2002 og unnið þar mjög gott starf. Hann þjálfaði einnig yngri flokka í Vestmannaeyjum til margra ára. Jón Ólafur útskrifaðist með UEFA-A gráðu árið 2006 en það er hæsta gráða sem í boði er á Íslandi.
Dregið hefur verið í riðla á Norðurlandamóti U17 kvenna og er Ísland í riðli með Svíþjóð, Þýskalandi og Hollandi.
Við bjóðum Jón Ólaf velkominn til starfa.
.jpg?proc=760)
.jpg?proc=760)
