Tveir vináttulandsleikir við Skota í september
Ákveðið hefur verið að U19 landslið karla leiki tvo vináttuleiki við Skota í byrjun september. Leikið verður 4. og 6. september og fara báðir leikirnir fram í Skotlandi.
U19 landslið Íslands og Skotlands hafa mæst 13 sinnum áður - Skotar hafa unnið 7 leiki, Íslendingar 2, en 4 sinnum hafa liðin gert jafntefli. Liðin mættust síðast í apríl 2004, en þá léku þau einmitt tvo vináttulandsleiki, báða ytra. Fyrri leiknum lauk með 2-1 sigri Íslands, en síðari leiknum lauk með 3-3 jafntefli.
Þjálfari U19 landsliðs Íslands er Guðni Kjartansson, sem hefur stjórnað liðinu frá árinu 1992.
.jpg?proc=760)
.jpg?proc=760)
