• mán. 27. mar. 2006
• Fræðsla

Menntun þjálfara í knattspyrnu á Íslandi hefur stóraukist

Menntun þjálfara í knattspyrnu á Íslandi hefur stóraukist undanfarin ár.  Þjálfarar hjá félögunum í Landsbankadeild karla hafa ekki verið nein undantekning þar á. 

Á hverju ári þurfa þjálfarar karlaflokkanna hjá félögunum í Landsbankadeild karla að uppfylla kröfur leyfiskerfisins um menntun þjálfara, en þessar kröfur eru eftirfarandi:

Þjálfari meistaraflokks karla skal hafa lokið VI. stigi KSÍ eða E-stigi KSÍ, (en fljótlega verður gerð krafa um UEFA A þjálfaragráðu).

Þjálfari 2. 3. og 4. flokks skal hafa lokið UEFA B þjálfaragráðu.

Þjálfari 5. flokks og yngri skal hafa lokið við KSÍ II þjálfaranámskeiðið.

Fyrir knattspyrnusumarið framundan eru einungis þjálfarar 5 flokka ekki með tilskilda menntun (sem samsvarar 6,3% allra flokka hjá félögunum í Landsbankadeild karla) og í þeim tilfellum fá félögin peningasekt. 

Góðu fréttirnar eru þær að þjálfarar 74 flokka (sem samsvarar 93.7% allra flokka hjá félögunum í Landsbankadeild karla) hafa tilskilda menntun til þess. 

Menntun þjálfara hjá félögum í Landsbankadeild karla 2004 - 2006
Fjöldi flokka þar sem þjálfari uppfyllti ekki kröfur leyfiskerfisins um menntun:
	2004	2005	2006
Breiðablik	*	*	0
FH	2	1	1
Fram	2	1	*
Fylkir	3	3	0
Grindavík	3	0	0
ÍA	1	0	0
ÍBV	3	1	1
KA	3	*	*
Keflavík	3	2	0
KR	1	3	1
Valur	*	2	1
Víkingur R	1	*	1
Þróttur	*	1	*
Alls	22	14	5
* ekki í Landsbankadeild
Ekkert félag uppfyllti allar kröfurnar árið 2004
2 félög uppfylltu allar kröfurnar árið 2005 (Grindavík og ÍA)
5 félög uppfylltu allar kröfurnar árið 2006 (Breiðablik, Fylkir, Grindavík, ÍA og Keflavík)

• Fræðsla