Mjög spennandi riðill í undankeppni EM 2008
Dregið hefur verið í riðla í undankeppni EM 2008 og er óhætt að segja að riðillinn sem Ísland hafnaði í sé mjög spennandi. Þrjú Norðurlandalið eru í riðlinum og fjögur af liðunum sjö léku í úrslitakeppni EM 2004.
Ísland er í F-riðli ásamt Svíþjóð, Spáni, Danmörku, Lettlandi, Norður-Írlandi og Liechtenstein, en fjögur fyrstu löndin léku öll í úrslitakeppni EM 2004 í Portúgal.
Liðin hafa nú 30 daga til að koma sér saman um leikdaga, þannig að þeir ættu að liggja fyrir í lok febrúar.
Flestir vildu England
Samkvæmt könnun sem gerð var á forsíðu vefsins vildu lang flestir fá England úr efsta styrkleikaflokki í riðil með Íslandi, eða 60% þátttakenda. Næstir komu Grikkir með 14%, Hollendingar með 12% og Portúgalar með 8%. Aðeins 3% vildu fá Svíþjóð og Frakkland, en fæstir vildu Tékka, eða 1%.
.jpg?proc=760)
.jpg?proc=760)
