Úrtaksæfingar U17 og U19 kvenna 7. og 8. janúar
Úrtaksæfingar fyrir U17 og U19 landslið kvenna fara fram um næstu helgi, dagana 7. og 8. janúar. Alls hafa tæplega 50 leikmenn frá félögum víðs vegar af landinu verið kallaðir til æfinga að þessu sinni.
Í U17 æfingahópnum koma flestir leikmenn frá Breiðabliki, 6 talsins, og 4 leikmenn koma frá Grindavík. Leikmenn Breiðabliks eru einnig fjölmennastir í U19 æfingahópnum, 7 alls, og lið Fjölnis og KR eiga 4 leikmenn hvort um sig.
U17 lið kvenna tekur þátt í Norðurlandamóti í Finnlandi í júlí, en U19 liðið tekur þátt í milliriðli EM sem fram fer í Rúmeníu í apríl.
Erna Þorleifsdóttir er þjálfari U17 landsliðs kvenna og Ólafur Þór Guðbjörnsson þjálfar U19 landsliðið.
.jpg?proc=760)
.jpg?proc=760)
