ÍF hlýtur viðurkenningu fyrir grasrótarstarf
KSÍ og UEFA veittu Íþróttasambandi fatlaðra (ÍF) viðurkenningu á miðvikudag fyrir besta grasrótarviðburðinn í knattspyrnu fyrir fatlaða (Best disabled football event).
Viðurkenningin er fyrir vel skipulagða og árangursríka Íslandsleika Special Olympics, sem haldnir eru að jafnaði tvisvar á ári, en verið hefur gott samstarf milli KSÍ og ÍF varðandi viðburðinn.
KSÍ hefur þegar afhent ÍF 50 knetti og 50 boli merkta UEFA sem eflaust munu koma að góðum notum í öflugu starfi ÍF.
Frá vinstri: Anna Karólína Vilhjálmsdóttir framkvæmdastjóri Special Olympics á Íslandi, Ólafur Magnússon framkvæmdastjóri ÍF, Sveinn Áki Lúðvíksson forseti Special Olympics á Islandi, Geir Þorsteinsson framkvæmdastjóri KSÍ og Halldór Örn Þorsteinsson starfsmaður mótadeildar KSÍ.
.jpg?proc=760){kind=logo}
.jpg?proc=760)
