Leikjum ársins í undankeppni HM lokið
Í byrjun mánaðarins fóru fram tveir leikir í riðli Íslands í undankeppni HM kvennalandsliða 2007, síðustu leikirnir í riðlinum á þessu ári. Portúgal lék heimaleiki við Svía og Tékka og tapaði þeim báðum með þriggja marka mun.
Þessi úrslit þýða að Svíar eru í efsta sæti riðilsins með sjö stig, eins og Tékkar sem eru í öðru sæti, en Ísland er í þriðja sæti með fjögur stig. Hvít-Rússar hafa eitt stig, en Portúgalar eru án stiga.
Í apríl mætast efstu tvö liðin í Tékklandi og keppnin heldur síðan áfram í maí, þar sem Ísland mætir Hvít-Rússlandi ytra og Portúgal leikur tvo leiki, gegn Svíum í Svíþjóð og Hvít-Rússum á heimavelli.
