Lúkas Kostic ráðinn þjálfari U21 karla
Lúkas Kostic hefur verið ráðinn þjálfari U21 landsliðs karla. Lúka hefur stjórnað U17 landsliði karla frá 2003 en hann hafði áður þjálfað lið Þórs, Grindavíkur, KR og Víkings í efstu deild. Lúkas mun stjórna liðinu í næstu tveimur keppnum en samningur hans og KSÍ er til þriggja ára.
Sú breyting hefur verið gerð á Evrópumóti U21 landsliða karla að úrslitakeppnirnar færast yfir á oddatöluár og verður riðlaskipting og leikjaniðurröðun því ekki hin sama og hjá A landsliðum eins og verið hefur. Næsta verkefni U21 landsliðsins er því undankeppni fyrir Evrópumóts með úrslitakeppni vorið 2007 og spilast undankeppnin því öll á árinu 2006. Nýtt Evrópumót hefst svo haustið 2007 með úrslitakeppni vorið 2009.
.jpg?proc=760)
.jpg?proc=760)
