Byrjunarlið Íslands gegn Póllandi
Landsliðsþjálfararnir, Ásgeir Sigurvinsson og Logi Ólafsson, hafa tilkynnt byrjunarlið Íslands fyrir vináttulandsleikinn gegn Pólverjum í dag. Liðin mætast í Varsjá og hefst leikurinn kl. 15:00 að íslenskum tíma og er sýndur beint á Sýn.
Sölvi Geir Ottesen er í byrjunarliðinu og leikur sinn fyrsta A-landsleik, Hannes Sigurðsson er í framlínunni og leikur sinn annan leik í byrjunarliði Íslands.
Kristján Finnbogason leikur sinn fyrsta landsleik síðan 1998 og er þetta 20. leikur hans með A-landsliðinu.
Byrjunarlið Íslands
Markvörður: Kristján Finnbogason.
Hægri bakvörður: Kristján Örn Sigurðsson.
Vinstri bakvörður: Indriði Sigurðsson.
Miðverðir: Auðun Helgason og Sölvi Geir Ottesen Jónsson.
Tengiliðir: Stefán Gíslason og Brynjar Björn Gunnarsson (fyrirliði).
Hægri kantur: Grétar Rafn Steinsson.
Vinstri kantur: Kári Árnason.
Sóknartengiliður: Gylfi Einarsson.
Framherji: Hannes Þorsteinn Sigurðsson.
