Hannes Þ. Sigurðsson í landsliðshópinn
Heiðar Helguson verður ekki með íslenska landsliðinu í vináttulandsleiknum gegn Pólverjum á föstudag af persónulegum ástæðum og hafa landsliðsþjálfararnir, Ásgeir Sigurvinsson og Logi Ólafsson, kallað á Hannes Þ. Sigurðsson í hans stað.
Hannes, sem gekk til liðs við enska liðið Stoke City í sumar, hefur leikið tvo A-landsleiki fyrir Íslands hönd - var í byrjunarliðinu í vináttulandsleik gegn Ítalíu í febrúar og kom inn á sem varamaður í leik gegn Möltu í undankeppni HM á Laugardalsvellinum í byrjun júní.
Heiðar Helguson kemur þó að öllum líkindum aftur inn í íslenska hópinn fyrir leikinn gegn Svíum á Råsunda-leikvanginum í Stokkhólmi 12. október.
Vináttulandsleikur Póllands og Íslands fer fram á föstudag og hefst bein útsending frá leiknum kl. 14:45 á sjónvarpsstöðinni Sýn.
.jpg?proc=760)
.jpg?proc=760)
