Byrjunarlið U19 karla gegn Króatíu
Guðni Kjartansson, þjálfari U19 landsliðs karla, hefur valið byrjunarlið Íslands fyrir leikinn gegn Króatíu í undankeppni EM í dag. Riðillinn fer fram í Sarajevo í Bosníu og hefjast leikir dagsins kl. 13:30 að íslenskum tíma.
Breytingar hafa verið gerðar á liðinu frá 0-1 tapinu gegn Búlgaríu á mánudag. Haukur Páll Sigurðsson er í leikbanni og í hans stað í hægri bakvörð kemur Arnaldur Stefánsson. Birkir Bjarnason kemur inn í liðið í stað Arnórs Smárasonar. Birkir mun leika í stöðu sóknartengiliðs, en Heiðar Geir Júlíusson verður á hægri kanti.
Byrjunarlið Íslands
Markvörður: Atli Jónasson.
Hægri bakvörður: Arnaldur Stefánsson.
Vinstri bakvörður: Ari Freyr Skúlason.
Miðverðir: Guðmann Þórisson og Heimir Einarsson.
Tengiliðir: Theódór Elmar Bjarnason (fyrirliði) og Bjarni Þór Viðarsson.
Hægri kantur: Heiðar Geir Júlíusson.
Vinstri kantur: Gunnar Kristjánsson.
Sóknartengiliður: Birkir Bjarnason.
Framherji: Rúrik Gíslason.
