Upphitun fyrir leik Svíþjóðar og Íslands
Áfram Ísland klúbburinn verður með upphitun fyrir leik Svíþjóðar og Íslands í undankeppni HM 2006 þann 12. október næstkomandi. Upphitunin fer fram á Crazy Horse, Sturegatan 12, í miðbæ Stokkhólms og hefst kl. 16:00 að staðartíma.
Allir eru hvattir til að mæta - aðeins 10 mínútna ferð með lest á Råsunda-leikvanginn. Stuðningsmenn íslenska liðsins koma einnig saman eftir leik á sama stað.
Allir sem mæta fá happdrættismiða þar sem verða m.a. dregnir út frábærir ferðavinningar frá Icelandair. Áfram Ísland klúbburinn verður með húfur, fána, trefla og annan varning til sölu á fínu verði. Boðið verður upp á andlitsmálningu, skrúðgöngu á leikinn og margt fleira.
Allir Íslendingar og aðrir stuðningsmenn íslenska liðsins sem ætla á leikinn eru hvattir til að mæta á staðinn og skemmta sér í góðum félagsskap.
Áfram Ísland!!!
