U19 kvenna mætir Bosníu/Hersegóvínu í dag
U19 landslið kvenna leikur gegn Bosníu/Hersegóvínu í undankeppni EM í dag og hefst leikurinn kl. 14:00 að íslenskum tíma. Riðillinn fer fram í Sarajevo, þannig að Bosníumenn eru á heimavelli.
Eins og kunnugt er vann íslenska liðið 7-0 sigur á Georgíu í fyrstu umferð riðilsins og hefur Ólafur Þór Guðbjörnsson, þjálfari liðsins, gert eina breytingu á byrjunarliðinu frá þeim leik - Unnur Á. Guðmundsdóttir kemur inn í miðvörðinn í stað Guðrúnar Erlu Hilmarsdóttur.
Í hinum leik dagsins mætast Georgía og Rússland, en Rússar lögðu lið Bosníu/Hersegóvínu í fyrstu umferð riðilsins með sex mörkum gegn engu.
Byrjunarlið Íslands
Markvörður: Ása Dögg Aðalsteinsdóttir.
Bakverðir: Laufey Björnsdóttir og Hekla Pálmadóttir.
Miðverðir: Unnur Á. Guðmundsdóttir og María Kristjánsdóttir.
Varnartengiliður: Elísa Pálsdóttir.
Kantmenn: Sandra Sif Magnúsdóttir og Greta Mjöll Samúelsdóttir (fyrirliði).
Tengiliður: Lára Hafliðadóttir og Björg Bjarnadóttir.
Framherji: Katrín Ómarsdóttir.
.jpg?proc=760)
.jpg?proc=760)
