Annar stórsigurinn í röð hjá U19 kvenna
U19 landslið kvenna vann í dag, fimmtudag, annan stórsigurinn í röð í undankeppni EM. Lið Bosníu/Hersegóvínu var lagt að velli með fimm mörkum gegn engu og þar með er sæti íslenska liðsins í milliriðli öruggt. Greta Mjöll Samúelsdóttir fór á kostum í liði Íslands í dag og gerði þrjú mörk (leiðrétt), en hún gerði tvö mörk í leiknum gegn Georgíu á þriðjudag.
Eftir leiki dagsins eru bæði Ísland og Rússland með 6 stig, en Bosnía/Hersegóvína og Georgía eru án stiga. Rússar lögðu Georgíu í dag á hreint ótrúlegan hátt, því þær rússnesku skoruðu 21 mark í leiknum! Tvö efstu liðin fara áfram í milliriðla og því eru Ísland og Rússland örugg með áframhaldandi þátttöku í keppninni.
Eins og tölurnar gefa til kynna hafði íslenska liðið yfirburði í leiknum og leiddi í hálfleik með mörkum frá fyrirliðanum Gretu Mjöll og Katrínu Ómarsdóttir. Katrín jók forystuna fyrir íslenska liðið í upphafi síðari hálfleiks, hennar fjórða mark í fyrstu tveimur leikjum riðilsins, og Greta Mjöll fullkomnaði glæsilegan íslenskan sigur með tveimur mörkum um miðbik hálfleiksins.
Í lokaumferðinni á laugardag mætast Bosnía/Hersegóvína og Georgía annars vegar, en Ísland og Rússland hins vegar, sem er þá hreinn úrslitaleikur um efsta sæti riðilsins.
.jpg?proc=760)
.jpg?proc=760)
