• mið. 28. sep. 2005
• Landslið

Sænski hópurinn gegn Króatíu og Íslandi

Svíar hafa tilkynnt gríðarsterkan 22 manna landsliðshóp fyrir síðustu tvo leiki sína í undankeppni HM 2006, gegn Króatíu í Zagreb 8. október og Íslandi á Råsunda í Stokkhólmi 12. október. Nú þegar hafa selst um 31.000 miðar á leikinn gegn Íslandi.

Sigri Svíar Króata í Zagreb tryggja þeir sér efsta sæti 8. riðils fyrir leikinn gegn Íslandi. Geri Króatar og Svíar jafntefli heldur sænska liðið efsta sæti riðilsins, en verður að vinna Ísland í lokaumferðinni til að halda sér örugglega þar.

Markatala Svía í riðlinum er ótrúleg, þeir hafa skorað 27 mörk og aðeins fengið á sig tvö, en annað þeirra kom í eina tapi liðsins í undankeppninni, gegn Króatíu á Råsunda í 2. umferð.

Leikmenn Svía eru á mála hjá félögum víðs vegar um Evrópu - 10 leikmenn af 22 leika á Norðurlöndum, en aðrir leika í Frakklandi, Hollandi, Englandi, Grikklandi, Ítalíu, Spáni og Belgíu.

Um afar reynslumikinn hóp er að ræða, enda hafa allir leikmennirnir nema tveir leikið yfir 10 A-landsleiki. Leikjahæstur er framherjinn Henrik Larsson, sem leikur með spænska stórliðinu Barcelona, og hann er jafnframt markahæstur. Larsson hefur leikið 85 sinnum með sænska landsliðinu og skorað 33 mörk.

Landsliðshópur Svía

Leikmaður	Félag	L	M
Eddie Gustafsson (M)	Ham-Kam Fotball	6	-
Andreas Isaksson (M)	Stade Rennais FC	35	-
Christoffer Andersson	Lillestrøm SK	21	-
Erik Edman	Stade Rennais FC	32	1
Petter Hansson	SC Heerenveen	11	-
Teddy Lucic	BK Häcken	75	-
Olof Mellberg	Aston Villa FC	59	2
Mikael Nilsson	Panathinaikos FC	25	3
Alexander Östlund	Feyenoord	18	-
Niclas Alexandersson	IFK Göteborg	80	7
Marcus Allbäck	FC København	52	23
Daniel Andersson	Malmö FF	44	-
Johan Elmander	Brøndby IF	14	6
Zlatan Ibrahimovic	Juventus FC	35	17
Mattias Jonson	Djurgårdens IF	48	9
Kim Källström	Stade Rennais FC	29	3
Henrik Larsson	FC Barcelona	85	33
Tobias Linderoth	FC København	52	1
Fredrik Ljungberg	Arsenal FC	54	12
Markus Rosenberg	AFC Ajax	5	2
Anders Svensson	IF Elfsborg	59	12
Christian Wilhelmsson	RSC Anderlecht	24	2

• Landslið