Farangursvandræði hjá A landsliði kvenna
A landslið kvenna lenti í vandræðum á leið sinni til Tékklands til að leika við heimamenn í undankeppni HM. Allur farangur liðsins varð eftir á Kastrup-flugvelli í Kaupmannahöfn, en mun væntanlega skila sér til Tékklands síðar í dag.
Þessi vandræði munu væntanlega trufla undirbúning liðsins að einhverju leyti og mun önnur æfing liðsins í dag væntanlega falla niður af þessum sökum. Hópurinn mun að öðru leyti halda sínu striki og haga undirbúningi fyrir leikinn eins og best verður á kosið.
Leikur Íslands og Tékklands á laugardag fer fram í Kravare og hefst kl. 13:30 að íslenskum tíma.
Byrjunarlið Íslands verður væntanlega tilkynnt á laugardagsmorgunn.
.jpg?proc=760)
.jpg?proc=760)
