Tvær breytingar á byrjunarliði U21 karla
Eyjólfur Sverrisson, þjálfari U21 landsliðs karla, hefur gert tvær breytingar á byrjunarliði Íslands frá leiknum við Króatíu á KR-velli á dögunum fyrir leikinn gegn Búlgaríu í dag í undankeppni EM.
Liðin mætast í Sofia og hefst leikurinn kl. 14:00 að íslenskum tíma.
Garðar Gunnlaugsson og Andri Ólafsson koma inn í byrjunarliðið í stað þeirra Steinþórs Gíslasonar og Pálma Rafns Pálmasonar. Garðar fer í sóknina við hlið Harðar Sveinssonar og Andri kemur inn á miðjuna, en Jónas Guðni Sævarsson, sem lék á miðjunni gegn Króötum, er færður í hægri bakvörð í stað Steinþórs.
Byrjunarlið Íslands
Markvörður: Ingvar Þór Kale
Bakverðir: Jónas Guðni Sævarsson og Gunnar Þór Gunnarsson.
Miðverðir: Tryggvi Sveinn Bjarnason og Sölvi Geir Ottesen Jónsson.
Tengiliðir: Davíð Þór Viðarsson (fyrirliði) og Andri Ólafsson.
Kantmenn: Sigmundur Kristjánsson og Emil Hallfreðsson.
Framherjar: Hörður Sveinsson og Garðar Gunnlaugsson.
.jpg?proc=760)
.jpg?proc=760)
