Miðasala gengur vel fyrir leikinn gegn Suður-Afríku
Miðasala fyrir vináttulandsleik Íslands og Suður-Afríku hefur gengið vel og er von á góðri mætingu á leikinn, sem hefst kl. 20:00 í kvöld. Sala aðgöngumiða er nú í fullum gangi við Laugardalsvöll og er fólk hvatt til að kaupa sér miða tímanlega til að örtröð myndist ekki skömmu fyrir leik.
Aðstæður á Laugardalsvelli eru allar hinar bestu til knattspyrnuiðkunar, lygnt veður og völlurinn hæfilega blautur, sem ætti að gefa góða möguleika á að láta knöttinn ganga hratt á milli manna, auk þess sem óvænt marktækifæri gætu litið dagsins ljós vegna hraða boltans á blautu grasinu.
.jpg?proc=760)
.jpg?proc=760)
