Ungverjar léku gegn Frökkum á þriðjudag
Ungverjar, mótherjar Íslands í undankeppni HM á laugardag, mættu Frökkum í vináttulandsleik í Metz í Frakklandi á þriðjudag og höfðu heimamenn betur, 2-1.
Frakkar voru mun sterkari í fyrri hálfleik og skoruðu tvö mörk, en þar voru að verki Florent Malouda og Djibril Cissé. Szombor Kerekes svaraði fyrir Ungverja í síðari hálfleik.
Frakkar voru án margra lykilmanna í leiknum, en Thierry Henry, David Trezeguet og Patrick Vieira voru á meðal þeirra sem ekki léku með franska liðinu.
.jpg?proc=760)
.jpg?proc=760)
