þri. 31. maí 2005
Landslið

Landsliðshópur Ungverja

Knattspyrnusamband Ungverjalands — hungary

Ísland og Ungverjaland mætast á Laugardalsvelli næstkomandi laugardag í undankeppni HM 2006. Lothar Matthaus, landsliðsþjálfari Ungverja, þykir vera á réttri leið með liðið, sem hefur bætt sig nokkuð á undanförnum árum.

Sterkustu leikmennirnir í ungverska hópnum eru almennt taldir vera markvörðurinn Gabor Király, sem leikur með Crystal Palace og er frægur fyrir að vilja helst leika í gráum jogging-buxum, leikstjórnandinn Zoltán Gera, sem var lykilmaður í því að West Brom náði að halda sæti sínu í ensku úrvalsdeildinni, og framherjinn Imre Szabics, sem hefur leikið vel með Stuttgart í þýsku Bundesligunni síðustu tvö ár.

Athyglisvert er að allir markverðirnir í ungverska hópnum leika utan heimalandsins, þar af tveir með liðum í Lundúnum á Englandi.